what3words
Telerau ac Amodau

Os ydych chi'n darllen hwn, mae'n debyg eich bod eisoes wedi dod, neu ar fin dod, yn noddwr Tir Natur 3x3. Cyn i chi ddarllen ymlaen, rydym am ddweud diolch!

 

Telerau ac Amodau Tir Natur 3x3

​

Mae'r telerau ac amodau hyn yn llywodraethu'r berthynas rhyngom ni (Tir Natur, Rhif Elusen 1199300) a chi (y rhoddwr neu'r person y dyrannwyd y sgwâr iddo) o dan gynllun Tir Natur 3x3 i gefnogi sgwâr 3m x 3m o dir ar gyfer ail-wylltio yn seiliedig ar system gyfeiriadau byd-eang what3words.

 

1. Bydd rhodd unigol neu gorfforaethol o £50 yn noddi 3m x 3m o dir. Ni ellir ad-dalu rhoddion, a bydd eich rhodd yn cyfrannu at gostau prynu tir Tir Natur, a chostau cysylltiedig. Lle bo'n gymwys, caiff Cymorth Rhodd ei hawlio a bydd yn cyfrannu at amcanion elusennol Tir Natur.  

 

2. Mae unrhyw un yn gymwys i noddi sgwâr neu sgwariau drostynt eu hunain neu fel rhodd i unigolyn arall. 

​

3. Ni chewch ddewis cyfeiriad na lleoliad what3words unrhyw sgwâr neu sgwariau - mae'r rhain yn cael eu dyrannu ar hap. Am eu bod yn cael eu dyrannu ar hap, gallai sgwâr neu sgwariau fod yn dir sych, yn wlyptir neu'n ddŵr, ac fe allai fod yn gae agored, yn llwyn, yn wrych, yn brysgoed, yn goetir, yn nant, yn afon neu'n bwll, neu'n gymysgedd o'r rhain. Ni fydd modd cyfnewid y math o dir a gaiff ei ddyrannu i chi am fath arall. Disgwylir y bydd natur y tir yn newid dros amser. Ni fyddwn yn cynnwys ffyrdd, adeiladau, meysydd parcio, ardaloedd llety, nac unrhyw ardaloedd nad ydynt yn rhai naturiol yn y dyraniad.

​

4. Bydd y tir a ddyrennir o dan gynllun Tir Natur 3x3 wedi’i leoli o fewn rhan o safle Tir Natur sy'n hygyrch i'r cyhoedd. ​

 

5. Nid yw rhodd i Tir Natur 3x3 yn golygu eich bod yn berchen ar y tir na’r cyfeiriad what3words[1] , ac nid yw'n rhoi unrhyw un o'r hawliau canlynol i chi ar unrhyw adeg:

​

• Hawl i gerdded ar y tir

• Hawl i adeiladu ar y tir

• Hawl i wersylla ar y tir neu aros arno mewn unrhyw strwythur arall sydd â/heb olwynion

• Hawl i gysgu ar y tir, yn yr awyr agored neu fel arall

• Hawl i bennu sut caiff y tir ei reoli

• Hawl i unrhyw beth sy'n tyfu ar y tir/sy'n nofio ynddo, os yw'n ddŵr

• Hawl i'w ffermio/i dyfu unrhyw beth arno/i'w blannu/i gladdu unrhyw beth ynddo/i wasgaru unrhyw beth arno/i osod unrhyw beth ynddo.

 

6. Gellir ailddyrannu unrhyw sgwâr/cyfeiriad tri gair ar unrhyw adeg. Gallwch drosglwyddo'r enw noddwr i rywun arall. Fodd bynnag, mae'r trosglwyddiad hwn yn cael ei wneud rhwng y partïon, ac nid oes unrhyw hawliau na chyfrifoldebau yn berthnasol yn unol â thelerau gwreiddiol y rhodd. Rhowch wybod i ni am fanylion trosglwyddiad drwy anfon e-bost at team@tirnatur.cymru.

 

7. Mae Tir Natur yn cadw 'cofrestr o roddion Tir Natur 3x3' sy'n cynnwys manylion y rhoddwr, sef enw, cyfeiriad, cyfeiriad e-bost a'r cyfeiriad(au) what3words cysylltiedig (ni chodir tâl am gofnodion ar y gofrestr). Byddwn yn cadw eich gwybodaeth ar y gofrestr gyhyd ag y bo'r gofrestr yn fyw. Os hoffech dynnu'ch manylion oddi ar y gofrestr, anfonwch e-bost at team@tirnatur.cymru ac fe wnawn y sgwâr yn ddi-enw. Nodwch y bydd hyn yn golygu na fydd modd i ni drosglwyddo'r sgwâr i unrhyw un arall nac anfon diweddariadau. Dim ond at ddibenion y gofrestr hon y byddwn yn cadw eich manylion, a byddwn yn cyfyngu mynediad ati i'r cyflogeion, yr asiantau a'r contractwyr hynny, ac unrhyw fusnesau trydydd parti eraill, sydd â busnes i wybod.

​

8. Pan fydd y dyraniad what3words wedi'i gwblhau, byddwn yn anfon eich tystysgrif atoch gan ddefnyddio'r cyfeiriad e-bost a ddarparwyd gennych yn ystod y broses roi. Eich cyfrifoldeb chi yw rhoi gwybod i ni os byddwch yn newid eich cyfeiriad e-bost. Os na rowch wybod i ni am newid cyfeiriad e-bost, ac os nad ydym yn gallu cysylltu â chi ynghylch y dyraniad what3words ar ôl gwneud ymdrechion rhesymol, ar ôl cyfnod o 12 wythnos byddwn yn dychwelyd y sgwâr a ddyrannwyd i'w ddyrannu eto. 

​

9. Ni allwn gael ein dal yn gyfrifol am unrhyw ddisgrifiadau anghywir o gynllun Tir Natur 3x3 gan unrhyw drydydd parti nac ar wefannau unrhyw drydydd parti nac asiant. Cadwn yr hawl i addasu'r telerau uchod, gan gynnwys newid y system cyfeiriadau lleoliad a ddefnyddir.

 

​

 

​