Hau Hadau Gobaith (hope): Stori Sheila

Mae natur yn dysgu amynedd inni. Mae'n gweithio dros gylchoedd hir, araf - afonydd yn ail-lunio eu hunain dros ddegawdau, coetiroedd yn aeddfedu dros genedlaethau, bywyd gwyllt yn dychwelyd pan roddir mwy o amser a lle i'r tir.

Mae rhoi cymynrodd yn eistedd o fewn yr un rhythm. Mae'n weithred obeithiol, gobaith - nid ar gyfer heddiw, ond ar gyfer yfory.

Yn ystod Wythnos Gymynrodd (7–13 Medi 2026), mae'n anrhydedd i ni rannu stori Sheila, y mae ei phenderfyniad i adael rhodd yn ei hewyllys i Tir Natur wedi'i lunio gan wydnwch, ac wedi'i arwain gan y gred bod yn rhaid i ni amddiffyn natur ar gyfer cenedlaethau'r dyfodol.

Gobaith gweithredol - dod yn gyfranogwr wrth lunio'r dyfodol yr hoffem ei weldyn ganolog i roi etifeddiaeth, ac mae Sheila yn siarad amdano gyda gonestrwydd adfywiol.

Wrth fyfyrio ar bwysigrwydd gobaith, yn enwedig yn ystod yr argyfwng natur a hinsawdd, dywedodd Sheila:

“Yn yr oes hon, dydy’r gair gobaith ddim yn golygu'r hyn yr oedd o'r blaen oherwydd y byd rydyn ni'n byw ynddo. Tir Natur a'r tir yng Nghwm Doethïe, byddwn i’n gobeithio y byddai’n gallu bod yn lle lle gall anifeiliaid a chreaduriaid fyw, a rhywle y gall pobl fwynhau hefyd.”

Mae dealltwriaeth Sheila o obaith wedi'i llunio gan ei phlentyndod.

“Cefais fy ngeni ar ddechrau’r Ail Ryfel Byd a phan oeddwn i’n fach, doedd gennym ni ddim arian ar gyfer gwyliau. Byddem ni’n mynd ar y trên i gefn gwlad, yn reidio ein beiciau, ac yn rhan o fywyd gwledig. Daethom i wybod sut roedd pobl yn byw a sut roedd gan eu bywydau gysylltiad dwfn â natur. Roedd yn agoriad llygad.”

Arhosodd y cysylltiad cynnar hwnnw gyda hi. Mae'n rhan o'r rheswm pam ei bod hi'n teimlo ei bod hi eisiau cefnogi tir Tir Natur nawr.

“Sylweddolais amser maith yn ôl fod bywyd gwyllt a natur yn newid. Un o’r ffyrdd y gallwch chi helpu’r newid ar lawr gwlad yw rhoi arian i achos rydych chi wir yn credu ynddo, fel rwy’n ei wneud gyda Tir Natur.”

Rhodd cymynrodd Sheila yw ei ffordd o gyfrannu at y newid hwnnw, gweithred ymarferol o obaith sydd wedi'i wreiddio mewn realaeth, tosturi a phrofiad.

Pam mae Rhoddion Cymynrodd yn Bwysig

Bydd rhodd Sheila yn helpu i amddiffyn tir, afonydd a mannau lle gall natur ffynnu. Bydd yn helpu i sicrhau bod cenedlaethau'r dyfodol yn etifeddu Cwm Doethïe sy'n wydn lle mae bywyd gwyllt yn ffynnu.

Os yw stori Sheila wedi eich ysbrydoli, gallwch ddysgu mwy am roi cymynrodd neu siarad yn gyfrinachol â'n Rheolwr Codi Arian, Gwenni. gwenni@tirnatur.cymru 

Mae rhodd yn eich ewyllys, ta waeth beth fo'i maint, yn helpu i hau hadau Cwm Doethïe sy’n fwy gwyllt.