Tir Natur wedi ennill Gwobr Elusen Adfer Natur ac Ailwylltio Orau 2026 yng Ngwobrau Menter Cymru

Mae Tir Natur wrth ei fodd yn cyhoeddi ei fod wedi cael ei enwi'n Elusen Adfer Natur ac Ailwylltio Orau 2026 yng Ngwobrau Menter Cymru, a drefnir gan SME News. Mae'r wobr yn cydnabod sefydliadau sy'n gwneud cyfraniad eithriadol yn eu maes ac yn tynnu sylw at effaith gynyddol Tir Natur wrth helpu i greu dyfodol mwy gwyllt i Gymru.

Mae Gwobrau Menter Cymru yn dathlu sefydliadau arloesol a dylanwadol ledled Cymru sy'n gwneud gwahaniaeth sylweddol yn eu sectorau a'u cymunedau. Yn eu degfed flwyddyn, mae'r gwobrau yn cydnabod rhagoriaeth ar draws amrywiaeth eang o ddiwydiannau, gan arddangos sefydliadau sy'n helpu i godi'r safon ledled Cymru a thu hwnt. [smenews.digital]

I Tir Natur, mae'r wobr yn gydnabyddiaeth werthfawr o genhadaeth yr elusen i sicrhau tir ar gyfer adfer natur ac ailwylltio, gan greu lleoedd lle gall bywyd gwyllt ffynnu, ac lle gall pobl ailgysylltu â'r byd naturiol.

Dros y flwyddyn ddiwethaf, rydym wedi parhau i ehangu ei waith, gan ddod â chefnogwyr, rhoddwyr, gwirfoddolwyr, tirfeddianwyr a chymunedau lleol ynghyd i helpu adfer natur ar raddfa fawr. Trwy gaffael tir, adfer cynefinoedd, cefnogi adferiad rhywogaethau ac ymgysylltu â chymunedau, mae'r elusen yn gweithio i greu rhwydwaith o dirweddau gwyllt ar gyfer cenedlaethau'r dyfodol.

Tash Riley, Cadeirydd Tir Natur:

"Rydym yn hynod falch o dderbyn y wobr hon gan SME News. Mae'r gydnabyddiaeth hon yn perthyn i bawb sy'n cefnogi ein cenhadaeth, o'n rhoddwyr a'n gwirfoddolwyr i'n partneriaid a'n cymunedau lleol. Mae ailwylltio yn ymwneud â gobaith. Mae'n ymwneud â chreu lle i natur ffynnu a llewyrchu, tra'n ailgysylltu pobl â'r tirweddau, yr etifeddiaeth a'r bywyd gwyllt sy'n gwneud Cymru mor arbennig. Mae'r wobr hon yn ein hysbrydoli i barhau i adeiladu dyfodol mwy gwyllt i Gymru."

Daw'r wobr ar gyfnod cyffrous i'r elusen wrth iddi barhau i ddatblygu ei phrosiectau ailwylltio blaenllaw a thyfu mudiad o bobl sy'n credu y gall Cymru unwaith eto fod yn wlad sy'n gyfoethog mewn bywyd gwyllt, ecosystemau gwydn a chymunedau ffyniannus.

Rydym yn estyn ei ddiolch i SME News a beirniaid Gwobrau Menter Cymru, yn ogystal ag i bawb sydd wedi cefnogi ein gwaith hyd yma.

I ddysgu mwy am waith neu i rhoi rhodd, ewch i'n tudalen Cefnogi Tir Natur.